Audible prastut karta hai The Last Girl To Fall In Love, ek Audible Original. Lekhak Durjoy Datta dwara. Anupriya Goenka aur Akshay Oberoi ki awaaz mein.

Kali Virus ke leak ho jane ki wajah se purush pradhan samaaj, mahila pradhan samaaj mein badal jata hai. Mardo ko virus se bachane ke liye chawl (containment zone) mein rakha jata hai aur sarkaari naukari dene ke bahane human testing ke liye lab lejaya jata hai. Sandhya lab mein scientist hai jo Kali Virus ka cure dhoondh rahi hai aur human testing mein uske hatho chawl mein reh rahe ladke Manav ka baap mar jata hai. Pashchataap karne ke liye Sandhya Manav ko lab se bachaati hai aur issi beech dono pyaar mein pad jate hain. Woh dono mil ke mardo ke haq ke liye ladte hain. Prime Minister Sagarika Kumar unse cure paane aur unhe rokne ki koshish karti hai, taaki aurato ki satta bani rahe aur mard aurato se dabe rahe aur keedo ki tarah humesha sadte rahe.

Disclaimer- Iss show mein apshabd aur kadi bhasha aur vayask shrotaayon ke liye vayask saamagri hai, jismein antrang drishya shaamil hain jo kahani ke anuroop hain. Yeh poori tarah kaalpanik hai aur vaastavik vyakityon, vyavsaayon, sthaanon ya ghatnaayon ke saath koi bhi samaanta maatr sanyog hai. Iss show ka uddyeshya kisi vyakti, sansthan, jaati, samudaay, nasl ya dharm ko thes pahunchaana ya badnaam karna ya kisi sansthan ya jeevit ya mrit vyakti ko badnaam karna nahin hai. Shrotaaon ko apne vivek ka istemaal karne ki bharpur salaah di jaati hai.

Please note: This audiobook is in Hindi.