Jahaan Puri duniya mein lady in white chudail ka legend mashoor hain, Wahi Pure Hindustan mein sab ek chudail ko zaroor jaante hain- Safed Saree wali chudail.Kuch logo ne isein sach mein dekhna ka daawa bhi kiya hain aur unki maane toh yeh unki zindagi ke sabse bhayanak incidences hain.

Nitin naam ka ek ladka, apne dost vaibhav ke saath kayi kahaaniya sunke delhi ki kohre mein Dwarka sector 9 ki road par gaadi chala raha tha tabhi unhe saamne ek palta hua auto dikha, isse pehle woh kuch samajh paate gaadi ke headlight se uss auto ke pass unhe kuch aur bhi dikha, kuch aisa jisse unki saans sukh gayi.

Kuch saal baad usi road par paranormal society of india ki ek team pahunchi….lekin woh wahaan akele nahi thein,kyunki ek caudal wahaan unka intezaar kar rahi thi.

Kya rishta hain murder,deaths,rape cases aur safed saree wali chudail ka aur kyun dikhti hain woh logo ko purlin hindustan mein?

Washington, DC se kuch hi door, Maryland ke Leonardtown ke jungle mein ek pathar ke paas bin mausam tufaan aata rehta hai, aur iss pathar ke paas jaana, yaani apni maut ko nyota dena hai.

1679 mein, isi town ke saare log haathon mein mashaal liye, gusse se bhare, ek aurat ke ghar ki taraf jaa rahe the jiska naam tha— Moll Dyer naam.

Uss town mein pichle kuch mahino se fasal khatam ho rahi thi, aur achanak jaanlewa beemariyaan bhi phailne lag gayi thi.

Kuch dino baad, ek aadmi ko Moll Dyer ki laash jungle mein ek pathar par mili. In sab cheezon ka kya rishta tha?

Kayi saalon baad, 14 saal ki Brandy apne dost ke saath Leonardtown ke jungle mein ghoom rahi thi, lekin uski gaadi achanak band ho gayi aur jungle mein bin mausam toofan aagaya. Usse wahaan par apne alawa kisi aur ke hone ka ehsaas hone laga. Kaun hai Moll Dyer? Pura sheher uske ghar mashaal le kar kyun jaa raha tha? Kya hua Brandy ke saath? Aur kaise judi hai yeh kahaniyan chudailon se?

Saal 2005,Mexico mein ek shaam do bacche nadi ke kinaare ek dukaan se soda khareedne jaa rahe thein.Woh ghar se thodi door hee aaye thein tabhi Daisy ko safed bridal gown mein ek aurat dikhi jo unki taraf rote huen aa rahi thi aur apne bacchi ko yaad kar rahi thi…yeh aurat aur koi nahi balki the weeping woman chudail La Llorana thi.

Kareeb 400 saal pehle Mexico ke ek chote se gaaon mein Maria naam ki ek bahut sundar ladki rehti thi.Jahaan sab usapar jaan chidakte thein wahi usne ek bahut ameer insaanse shaadi karli lekin woh shaadi uski liye shraap ban gayi.

400 saal pehle,mexico ke ek chote se gaaon mein ek aurat ne apne hee 2 bacchi ko nadi mein dubakar unki jaan leli.

Santa Fe naam ki ek nadi se raat ko ek aurat ke rone ki awaaz aati thi,jo kisi bhi nadi ke pass se guzarne wale ko nadi ke andar kheench leti thi.

Unn 2 baccho ke saath kya hua,Maria ki zindagi shrap kaise bani, kaunsi jaanlewa entity rehti hain Santa Fe nadi ke andar-Inn sab ka raaz juda hain La Loran ek aisi caudal jisse saari hispanic countries ke log kaanpte hain.

1970s mein poore Japan mein dehshat ka mahaul tha. School ki buses ke saath police ki gaadiyaan chakti rehti thi, aur baahar nikalna matlab apni jaan khona tha.

Har taraf logo ke dil mein bas khauf tha, jiski wajah thi ek bhayanak chudail — Kuchisake Onna.

Ek raat, do school ke bachche waapis apne ghar ja rahe the. Tabhi unhe saamne se ek mask pehni hui, beyhad khoobsurat aurat apni taraf aati hui dikhi, jisne unse bas yeh pucha: "Main sundar toh dikhti hoon na?"

900 saal pehle, heian period ke dauran ek bahut sundar aurat apne samurai pati ke saath rehti thi. Lekin uske pati ke ghar na hone se woh kaafi akeli pad gayi thi, jiske baad usne kuch aisa kiya jiski wajah se 1970’s mein pura Japan jaise shrapit ho gaya.

Uss aurat, un do bachon, aur Kuchisake Onna ka ek doosre se kaise jude hain, woh aapko is chudail ki dastaan sunke hee patha chalega.