Guwahati se kareeb 40 km door junglo ke beech ek bahut chota sa Gaaon hain-lekin yeh gaaon koi aam gaaon nahi hain.Sanatte,Maya aur Jadu se bharein iss gaaon ko Hindustan ka Kala Jaadu ka gadh maana jaata hain….

Mahabharat kaal se Jaadu-tone ke liye prasidh iss gaaon mein kisi insaan ko janwar main badalte huen dekhna Mayong ke logo ke liye ek aam baat hain.

1332 mein Mughal Mohammad shah ke 1,00,000 ghudasawar sainak mayong ke jungle mein ghuste ek dum se kahi gaayab ho gaye...

Kuch log maante hain ki Mayong ke jungle mein kala jadu karne wale rakshas,purvaj aur chudeil ghumte hain wahi kayi logon ka yeh bhi manana hain ki iss gaaon main Insaano ki bali tak dee jati hain.

Kya hain Mayong ka sach aur kyun Mughal bhi thar thar kaampte thein iss gaaon ke naam se…Kya Hain Mayong ka sara sach…?

Jadu tona ya andhvishwas sports ki duniya mein koi nayi baat nahi hain…Duniya ke top athletes apne superstitions ke liye jaane jaate hein jaise lucky kapde,lucky ritual,lucky seat.

Africa ke athletes aur voodoo dolls ka kya rishta hain.

Pakistan V/S Sri Lanka ke cricket match pe ek jadugar ne kiya jadu?1983 World Cup mein India ko jitane se bhi kya jaadu juda tha ? 90’s ke world class indian archer Limbaram ke haath mein ek dum se injury hogayi lekin iski wajah unhone Kala Jadu kyun bataiyi.

1998 ki Malaysian commonwealth games mein Indian Hockey Team ke haarne ke peeche kya Malaysian team ke ajeebogareeb rituals ka haath tha? Kyun Delhi ke national stadium mein ek mandir ko har player khelne jaana se pehle pujta hain?1971 mein India West Indies match ke beech kyun Indian Captain ne star player Sunil Gawaskar ko match se pehle bathroom Mein Lock kardiya?

Khel Khel mein Kalu jadu aur andhvishwas aakhir kaha tak phaila hua hain..

Mushkil aur Kamzori ke Waqt Insaan aksar Kale Jadu ka sahara leta hain.

Jab Delhi jaise sheher ke burari ilaake se Chundawat Family Ka case saamne aaya toh usne sabko Kala jadu ke badhte cases par sochne par majboor kar Diya.

Burari ke uss ghar mein jab sare 11 Family Members ki lashein aankho par Patti bande chath se latki huin mili aur bahaar 11 pipes bahar nikli huin mili toh sab ke samne ek aisa case ka sach aaya jisme deshbhar ke Saare kala jadu ke cases ko peeche chorh Diya. Kyun pure chandawat family ne kala jaadu ka sahara liya? Kya woh deemagi taur se beemar tha ya koi paranormal entity unse yeh sab karwa rahi thi ?

Kaala Jaadu sirf kahaaniyon tak hi semit nahi hain balki humaare aas paas hi hain.Kolkata se kareeb 120 km dur kharagpur ke paas ek gaaon mein 2019 ki ek subah...sab gaaonwale, ratan naik aur uski biwi...Ajit parshu naam ke ek admi ke ghar ko gher kar khadein thein.

Ratan naik aur uski biwi ko pehle hi khabar mil gayi thi ki unke bete Rudra ko Ajit ka 14 saal ka beta Akash khelne ke baad Parshu parivar ke ghar mein lekar aaya tha.Jab police apna zor lagakar Parshu parivaar ke ghar ke andar ghusein toh unhe Wahi 14 saal ka Akash, Rudra par kala jadu karte huen mila.

Jab police ne investigation ki toh patah chala ki Akash iss sab mein akela nahi tha, balki usne yeh vidya apne parivaar se hi seekhe thi….Kyun karta tha Parshu parivaar kaala jaadu ? Kya hua Ratan Naik aur uske parivaar ke saath.. aur Kyu ek 14 saal ke bacche ne bali dene ki koshish ki…Kya uss 14 saal ke bacche ka parivaar usein virasat mein Kaala jaadu sikha raha tha?