Résultats lu par "Rajeev Nair" dans Toutes les catégories

സോഫിയയെയും സോളമനെയും മലയാളികൾക്ക് സമ്മാനിച്ച കെ കെ സുധാകരന്റെ ഏറ്റവും പ്രസിദ്ധമായ നോവൽ. പദ്മരാജൻ സംവിധാനം ചെയ്ത അനശ്വരമാക്കിയ നമുക്ക് പാർക്കാൻ മുന്തിരിത്തോപ്പുകൾ എന്ന ചലച്ചിത്രം ഈ നോവലിനെ ആസ്പദമാക്കിയെടുത്തതാണ്.

ആചാരങ്ങളിലും അനാചാരങ്ങളിലും കുടുങ്ങിക്കിടന്ന ഭൂതകാലത്തേയും അതിന്റെ പിന്തുടര്‍ച്ചകളേയും കുറിച്ച് വിവരിക്കുന്ന പുസ്തകം.

ജൂനിയർ എൻജിനീയറായി ഗവൺമെന്റ് സർവ്വീസിൽ പ്രവേശിച്ച് പിന്നീട് സിവിൽ സർവ്വീസ് നേടി ചീഫ് സെക്രട്ടറിയുടെ പദവിയിൽ വരെ എത്തിയ ഡി. ബാബു പോളിന്റെ സംഭവഹുലമായ ഔദ്യോഗികജീവിതത്തിന്റെ സ്മരണകൾ. ഇടുക്കി പദ്ധതിപ്രദേശത്തെ ഗിരിപർവവും വല്ലാർപാടം പദ്ധതിക്ക് ഹരിശ്രീകുറിച്ച കൊച്ചിൻ പോർട്ട് ട്രസ്റ്റിലെ ചെയർമാൻ പർവവും വാസ്തുവിദ്യാഗുരുകുലത്തിനും എഴുത്തച്ഛൻ പുരസ്‌കാര ത്തിനും തുടക്കമായ സാംസ്‌കാരിക വകുപ്പിലെ സെക്രട്ടറി പർവവും വിവിധ ജില്ലകളിലെ ഭരണപർവങ്ങളുമടങ്ങുന്ന ഉജ്ജ്വലമായ ഉദ്യോഗപർവത്തിന്റെ വാങ്മയചിത്രം.

മലയാളിയുടെ വായനാ ലോകങ്ങളെ എക്കാലവും ത്രസ്സിപ്പിച്ച പുനത്തില്‍ കുഞ്ഞബദുള്ളയുടെ അതിരുഭേദിച്ചു നില്‍ക്കുന്ന ആത്മപരതയുടെ രചന. ജീവിതത്തെ അതിലെ സര്‍വ്വവിധ ചാപല്യങ്ങളോടെയും തുറന്നിട്ടുകൊണ്ട് കുഞ്ഞുകുഞ്ഞു വാക്കുകളാല്‍ ആവിഷ്‌കരിക്കുകയാണ് ഈ ആത്മകഥ. പലരും തുറക്കാന്‍ മടിക്കുന്ന അനുഭവരാശികള്‍ പകര്‍ന്നുതരുമ്പോള്‍ കഥാലോകത്തുകണ്ട കുഞ്ഞബ്ദുള്ളയേക്കാള്‍ വലിയൊരു കുഞ്ഞബ്ദുള്ള പ്രത്യക്ഷനാകുന്നു.

സംസ്‌കൃത ഗദ്യ കാവ്യമാണ് കാദംബരി .ഭാരതീയ സാഹിത്യത്തിലെ ഗദ്യ കഥാഖ്യാന സമ്പ്രദായത്തെ പ്രതിനിധാനം ചെയ്യുന്നു .രാജവംശജാരയിട്ടും രാഗബദ്ധരായതിനാൽ തീഷ്ണ പരീക്ഷണങ്ങളെ നേരിടേണ്ടി വന്ന കാദംബരി ചന്ദ്ര പീഢന്മാരുടെ വികാര തീവ്രമായ ജീവിതത്തിന്റെ ഉദാത്ത ചിത്രീകരണം

മലയാളകഥാലോകത്തിന്റെ മനസ്സായി നില്ക്കുന്ന ടി. പത്മനാഭന്റെ ഒരു പകല്‍ക്കിനാവ്, സുനന്ദയുടെ അച്ഛന്‍, ദേശ്-ഒരു ഹിന്ദുസ്ഥാനി രാഗം, അബുദാബി, ഒരു കള്ളക്കഥ, ഒരു പഴയ കഥ, ശവദാഹം, നായ്ക്കളും മനുഷ്യരും, കടല്‍ എന്നീ ഒന്‍പത് കഥകള്‍.

ആ ചിരിയിൽ ഔഷധ വീര്യം അടങ്ങിയിട്ടുണ്ടെന്ന് നാം അറിയുക ഇല്ല .എന്നാൽ ആരെങ്കിലും പറഞ്ഞു കേൾക്കുമ്പോൾ അത് സത്യം ആണെന് നാം സമ്മതിച്ചു പോകും .

മലയാളികളുടെ സ്വകാര്യ കമ്പവും ആനന്ദവുമായ ആനകളെ ചുറ്റിയുള്ള ഐതീഹ്യകഥകൾ. ഐതീഹ്യമാലയിലെ തിരഞ്ഞെടുക്കപ്പെട്ട ആനകഥകൾ.

വിഭ്രാമകമായ ആഖ്യാനത്തോടെ സമൂഹത്തിന്റെ അരികുകളിലും മനസ്സുകളിലെ ഇരുളുകളിലും വസിക്കുന്ന ചില വിശ്വാസങ്ങളെ പുറത്തുകൊണ്ടുവരുന്ന പ്രാണസഞ്ചാരം മലയാളത്തില്‍ പുതിയൊരനുഭവമാകുന്നു. ആശയത്തിലും ആഖ്യാനത്തിലും പുതുനോവലിന്റെ തിളക്കമാര്‍ന്ന ഒരു ഈടുവയ്പ്പാകുന്ന കൃതി.

ഇതിഹാസങ്ങൾ ഒളിച്ചുവച്ച രഹസ്യങ്ങളുടെ മഹാഭാരത കലവറയിൽനിന്ന് ഒരു പുതുനോവൽ കൂടി - നാഗഫണം. ലോകം മനുഷ്യരുടേതു മാത്രമല്ലെന്ന തിരിച്ചറിവിലൂടെ വിസ്മയങ്ങളുടെ നാഗലോകത്തേക്കു വാതിൽ തുറക്കുന്ന നോവലിലൂടെ അനന്തനും വാസുകിയും തക്ഷകനും കാർക്കോടകനുമെല്ലാം ഒരിക്കൽക്കൂടി മലയാളിയുടെ ഭാവനാലോകത്തിലേക്ക് എത്തുന്നു.

ജീവിതത്തിന്റെ വാർദ്ധക്യകാലത്ത് ഏകാന്തതയിലും ഒറ്റപ്പെടലിലും അകപ്പെട്ടു പോയ ഒരു മനുഷ്യജീവിയുടെ കഥ പറയുകയാണ് ഈ നോവൽ. കേരള സാഹിത്യ പുരസ്കാരം നേടിയ ഈ നോവൽ, വാർദ്ധക്യത്തിലെ വിരസതയുടേയും നോവിൻ്റെയും നീറ്റൽ നമ്മിലേയ്ക്ക് വല്ലാതെ സന്നിവേശിപ്പിയ്ക്കുന്നുണ്ട്.

ദാസനും കറമ്പിയമ്മയ്ക്കും ഒപ്പം സ്ഥാനം പിടിച്ചു മുകുന്ദന്റെ തന്നെ ആദിത്യനും രാധയും മറ്റു ചിലരും. പറഞ്ഞ കഥയുടെയും കഥാപാത്രങ്ങളുടെയും ശക്തി കൊണ്ടു മാത്രമല്ല, കഥപറച്ചിലിന്റെ രീതികൊണ്ടു കൂടിയാണ് മുകുന്ദന്റെ ഈ പുസ്തകം വായനക്കാരുടെ ഹൃദയം കവരുന്നത്.

ബഷീറിന്റെ വീട്ടിൽ കുണുങ്ങിയെത്തുന്ന ഒരു പൂച്ചയുടെ കഥയാണ് മന്ത്രികപ്പൂച്ചയെന്ന ഈ ചെറു നോവൽ. അയലത്തെ വീട്ടിലും ബഷീറിന്റെ വീട്ടിലുമായ് കുണുങ്ങി നടക്കുന്ന പൂച്ചയുടെ ഹിന്ദു-ഇസ്ലാം കീഴ്വഴക്കങ്ങളേയും സ്പർശിച്ചു പോവുന്നു ഈ കഥ.

മലയാളകഥയുടെ ഉത്സവകാലത്ത് അനുഭവങ്ങളുടെ പുതിയ വര്‍ണ്ണങ്ങളുമായി സക്കറിയ. തേന്‍, സിനിമാക്കമ്പം, റാണി, കുഞ്ഞുദിവസം, മദ്യശാല, അല്‍ഫോന്‍സാമ്മയുടെ മരണവും ശവസംസ്‌കാരവും, അറുപത് വാട്ടിന്റെ സൂര്യന്‍, രണ്ടു സാഹിത്യസ്മരണകള്‍, അല്ലിയാമ്പല്‍ക്കടവില്‍, ങ്ഹൂം, പണിമുടക്ക്.

സനാതനമായ ഊര്‍ജ്ജം ജൈവരൂപങ്ങളിലൂടെ സഫലീകരിക്കുന്ന പ്രയാണവും പരിണാമവുമാണ് ഗുരു. മനുഷ്യനും മനുഷ്യനുമായുള്ള സമസ്ത സമ്പര്‍ക്കങ്ങളിലും, എന്തിന് മനുഷ്യനും പ്രകൃതിയും മൃഗവും ചരിത്രസംഭവങ്ങളുമായുള്ള കൂട്ടായ്മകളില്‍പോലും ഗുരു അന്തര്‍ലീനനാണ്. ബംഗ്ലാദേശിലെ യുദ്ധം റിപ്പോര്‍ട്ടു ചെയ്യുവാന്‍ ചെല്ലുന്ന കുഞ്ഞുണ്ണി കാണുന്നത് ഈ അദ്ധ്യയനത്തിന്റെ മഹാമഹമാണ്. കല്യാണി എന്ന കുട്ടി അയാളുടെ ഗുരുവായിത്തീരുന്നു; എല്ലാം വെടിഞ്ഞ് തറവാട്ടുവീട്ടിലേക്കുതിരിച്ചെത്തുന്ന കുഞ്ഞുണ്ണിയുടെ മുന്‍പില്‍ ജീവിതത്തിന്റെ അര്‍ത്ഥങ്ങള്‍ ഗുരു കൃപയില്‍ തെളിഞ്ഞു വിളങ്ങുന്നു.