Siddhon ka ek mahaan sandesh, 'Jaago', Osho ki vaani dwara in pravachanon mein aur bhi adhik mukharit hua hai. Osho kehte hain: 'Jaago, man jaagran ki bela! Aur jaagran ki bela hamesha hai. Aisa koi khsan nahi jab tum jaag na sako. Aisa koi pal nahi jab tum palak na khol sako. Aankh band kiye ho yah tumhaara nirnay hai. Aankh kholna chaho to isi khsan kraanti ghat sakti hai.

Ashtavakra aur raja Janak ke beech is adbhut sanvaad ki garima ko Osho ne apni amrit vaani dwara uski poornata mein prakat kiya hai. Ashtavakra-Janak sanvaad evam prashnottar ke maadhyam se Osho dharm, saadhana, tatha chetna ki atal gahrai mein hamein le chalte hain. Is apoorva sanvaad ko mahageeta kehkar Osho ne usme anoothi praan-pratistha ki hai.

The Dhammapada is a collection of sayings of the Gautama the Buddha in verse form and one of the most widely read and best known Buddhist scriptures. This is volume one of a 12-volume series of Osho Talks, where Osho brings Buddha's Dhammapada into the 21st century, opening them for a new understanding for contemporary mankind.

Mahaavir guru nahi hain. Mahavir kalyanmitr hain. Ve kehte hain, main kuch kehta hoon, use samajh lo; mere sahare lene ki zaroorat nahi hai. Meri sharan aane se tum mukt na ho jaaoge. Meri sharan aane se to naya bandhan nirmit hoga, kyunki do bane rahenge. Bhakt aur bhagwaan bana rahega. Shishya aur guru bana rahega. Nahi, do ko to mitaana hai.

Kathinayi chaahe prem ke panth ki ho ya dhyaan ke maarg ki, pandhrah pravachanon ki is prashnottar pravachanmala mein Osho ne sabhi prashnon ke atyant saral aur subodh samaadhan diye hain. Shero-shaayari aur kavitaon se bharpoor ye pravachan panth ki saari kathinaayi ko door kar ek nayi subah ki tarah hamein abhibhoot kar lete hain. Osho kehte hain: 'Main to dekhta hoon ek naya suraj, ek nayi subah, ek naya manushyaa, ek nayi prithvi - vah roj nikharti aa rahi hai.