Résultats lu par "Amulya-S" dans Toutes les catégories

ಎರಡು ಅಸ್ಥಿಪಂಜರಗಳಿಂದಾಗಿ ಬಿಚ್ಚಿಕೊಂಡ ರಾಜಾ ದೇವರಾಯನ ಕಾಲದ ದುರಂತ. ಸುರಸುಂದರಿ ನೇಹಲಳಿಗಾಗಿ ಕಾದಾಡಿದ ಅರಸರಲ್ಲಿ ಯಾರಿಗೂ ದಕ್ಕದ ಅವಳು, ಕೈಗೆ ಸಿಕ್ಕಷ್ಟು ಸಂಪತ್ತು ಕಟ್ಟಿಕೊಂಡು ಮಲಯಾಬಾದಿಗೆ ಬಂದು ಗೆದ್ದಳೇ? ಸೋತಳೆ?

ಜಗತ್ತಿನ ಈ ಮೂಲೆಯ ವಿಜ್ಞಾನಿ, ಆ ಮೂಲೆಯ ವಿದ್ಯಾರ್ಥಿ, ಒಂದೇ ಜನ್ಮದ ಎರಡು ಬಗೆಯ ಸಂಬಂಧಗಳಿಗೆ ಸಿಕ್ಕು, ಅವರ ಜೀವನವೂ ಸಿಕ್ಕುಸಿಕ್ಕಾಗಲು ಕಾರಣರ್ಯಾರು? ಸಮಾಜದ ಕಟ್ಟುಪಾಡುಗಳೇ? ಮಡಿವಂತಿಕೆಯ ಮನಸ್ಥಿತಿಯೇ? ಏನು ಆ ಎರಡು ಬಗೆಯ ಬಂಧ?

ಸಾವಿರಾರು ವರ್ಷಗಳ ಹಿಂದೆ, ಅದೊಂದು ದಟ್ಟವಾದ ಕಾನನ, ಗಗನ ಚುಂಭೀ ವೃಕ್ಷಗಳು, ವೈವಿಧ್ಯಮಯ ಜೀವ ಸಂಕುಲ,ಅದು ಆಧುನಿಕತೆಯಿಂದ ಬಹು ದೂರವಿದ್ದ ಪ್ರದೇಶ. ಅಲ್ಲೊಂದು ದೊಡ್ಡ ಸರೋವರ, ಮುಂಜಾನೆಯ ಸೂರ್ಯ ಆಗತಾನೇ ಉದಯಿಸುತ್ತಿದ್ದಾನೆ. ಆ ಬಂಗಾರದ ಬಣ್ಣದ ಬೆಳಕಿನಲ್ಲಿ, ಆ ಬೆಳಕಿಗೆ ಎದುರಾಗಿ ಕಟ್ಟುಮಸ್ತಾದ ,ವಿಶಾಲವಾದ ಎದೆಯ, ಶಕ್ತಿಯುತವಾದ ಮಾಂಸ ಖಂಡಗಳ ,ಬಂಡೆಯಂತೆಯೇ ಬಲಿಷ್ಠವಾದ ದೇಹವನ್ನು ಹೊಂದಿರುವ ಒಬ್ಬ ಅಜಾನುಬಾಹು ನಿಂತಿದ್ದಾನೆ. ಅವನ ದೇಹಕ್ಕೆ ಸುತ್ತಲಿದ್ದವರೆಲ್ಲಾ ದೂಳನ್ನು ಎಸೆಯುತ್ತಿದ್ದಾರೆ.

ಮದುವೆ ಗೊತ್ತಾಗಿದ್ದ ಹುಡುಗಿ ಅನಿರೀಕ್ಷಿತವಾಗಿ ತನ್ನ ಸಾವಿನ ಬಗ್ಗೆ ಚೀಟಿ ಬರೆದು ಕಣ್ಮರೆಯಾಗುತ್ತಾಳೆ. ಅಕ್ಕನ ಮದುವೆಗೆ ಸತ್ತುಹೋದ ತಂಗಿಯಿಂದ ಅಪಾಯ ಕಾದಿದೆಯಾ?

ಗಿರಿಬಾಬು, ತಂದೆಯಿದ್ದೂ ಅವನ ಪ್ರೀತಿಯಿಂದ ವಂಚಿತಳಾದ 700ಕೋಟಿ ಒಡೆಯ ಜಗನ್ನಾಥನ ಮಗಳು ಶ್ರಾವಣಿಯ ಪಾಲಿನ ಪ್ರೀತಿಯ ಗಿರಿ ಅಂಕ್ಲ್! ಅವನದೆಷ್ಟೊಂದು ಅಮ್ಮ ಅಲ್ಲವಾ ಅಂತ ಶ್ರಾವಣಿಗೆ ಸಾವಿರ ಸಲ ಅನ್ನಿಸಿದೆ. ಶ್ರಾವಣಿಯ ಅಮ್ಮನ ಪಾಲಿಗೆ ಗಿರಿ ಒಬ್ಬ ಸ್ನೇಹಿತ. ಆತ್ಮಬಂಧು. ಕಷ್ಟಕ್ಕಾಗುವ ಏಕೈಕ ವ್ಯಕ್ತಿ.