Résultats lu par "Rakesh Rachakonda" dans Toutes les catégories

మనిషిని ఏకాకిని చేసే ప్రేమరాహిత్యాన్ని, విద్వేషాన్ని, హింసని, వివక్షని ద్వేషంతో కాకుండా తన అక్షరాలనిండా ప్రేమ నింపుకుని తడమడమే అరుణాంక్ "ఖ్వాబ్" ప్రత్యేకత. ఈ లేఖా రచనలో మంచి భావుకత, సౌందర్యం వుంది. ఇప్పుడు అరుణాంక్ "ఖ్వాబ్ " లేఖలు రాయడం, అందునా ప్రేమని రాయడం మరిచిపోయిన మనందరిలో మళ్లీ ప్రేమలేఖలు రాయాలనే ఉత్సాహాన్ని తట్టిలేపుతుంది.

జీవితంతో పోరాడుతున్న ఓ వార్తాపత్రిక ఎడిటర్ కథ ఇది. అతను ఆ వార్తాపత్రిక నుండి సంపద లేదా కీర్తి పొందకపోయినప్పటికీ అతను తన పనితో సంతోషంగా ఉన్నాడు. అతని ప్రత్యర్థులు అతనికి వ్యతిరేకంగా ఏమి చెబుతారు? ప్రజలు అతని గురించి ఏమనుకుంటున్నారు? లేదా ప్రపంచం అతని మార్గంలో ఎన్ని కష్టాలు సృష్టిస్తోంది అని అసలు పట్టించుకోడు. అతను కేవలం తన మార్గంలో వచ్చే ప్రతి అడ్డంకిని తొలగించాలని మాత్రం ఆలోచిస్తాడు.

రెండు మూడు రోజులుగా మూగబోయిన ఫిజాలో ముదురు గ్రద్దలా చక్కర్లు కొడుతున్నారు. వేటలో ఉన్నట్టుండి వీస్తున్న గాలులు ఏదో రక్తపు ప్రమాదం జరగబోతోందన్న సందేశాన్ని అందజేస్తున్నాయి. ఇప్పుడు ఏదో తెలియని భయం కారణంగా నగర వాతావరణంలో నిశ్శబ్దం ఆవరించింది. భయంకరమైన భీభత్సం రాజ్యమేలింది.

కాశ్మీర్ సమస్య గురించి అరవైఏండ్లకి పైగా మాట్లాడుతున్నాము. చిత్రమేమిటంటే అసలు కాశ్మీర్ సమస్య ఏమిటో, దాన్ని ఎలా పరిష్కరించగలమో మనను నడిపించిన నాయకులకే ఈనాటికీ సరిగ్గా తెలియదు. ఇండియన్ యూనియన్ లొ కాశ్మీర్ విలీనం ఏ పరిస్థితులలో జరిగింది ,అప్పటి నుంచి మన అగ్రనాయకులు ఆడిన నాటకాలు,కపట రాజకీయాలు,పాములను పాలుపోసి పెంచిన వైనాలను కళ్లకి కట్టినట్లు ఎం.వి.ఆర్.శాస్త్రిగారు రాసిన రెండు పుస్తకాలలో ఈ గ్రంథం మొదటిది. కాశ్మీర్ సమస్యకు మూలకారకులు ఎవరు ,పరిస్తితి ఎలా మరియు ఎందుకు విషమించింది అని తెలుసుకోవడానికి తప్పక చదవాల్సిన గ్రంధం- కాశ్మీర్ కథ.

వంశీ దర్శకత్వ ప్రతిభ మనందరికీ సుపరిచితమే. అలాగే అతని రచనా శైలి కూడా ఎంతో వినూత్నం గా ఉంటుంది. వంశీ రాసే కథలు కానీ ఆయన ఎంపిక చేసి ప్రచురించే కథా సంకలనం కానీ ఎంతో ఆసక్తి గా ఉంటుంది. ఆయన దృష్టిలో ప్రతి పుస్తకం రావటానికి వెనుక ఒక మూలమైన ఆలోచన ఉంటుంది. "ఆనాటి వాన చినుకులు" కి కూడా ఒక ఆలోచన ఉంది అని చెప్పుకోవచ్చు. దాదాపు 25 ఏళ్ల క్రితం ఒక గూడు రిక్షా మీద ఆయన చూసిన 'ఆనాటి వానచినుకులు' అన్న వాక్యం తనని ఆలోచనల్లోకి నెట్టింది. ఆ ఆలోచన కే ఒక రూపం ఇస్తూ వంశీ 24 కథలని కదంబముగా మన ముందుకు తెచ్చారు.