Épisodes

  • Sioned Dafydd

    Sioned Dafydd
    Jul 16 2025
    "Fi mor mor ddiolchgar bo' fi'n siarad Cymraeg."

    Croeso i bennod arall o Bangor Be Wedyn, lle mi ydw i Huw Gwynn yn sgwrsio hefo graddedigion Prifysgol Bangor am eu gyrfa nhw ers graddio a sut mae'r Gymraeg wedi eu helpu nhw ar hyd y ffordd.

    Yn y bennod yma mi wnes i sgwrsio hefo Sioned Dafydd, cyflwynydd a gohebydd i Sgorio ar S4C. Mae Sioned wedi cael profiadau anhygoel drwy weithio yn y byd darlledu gan gynnwys gohebu ar gemau dynion Cymru yn ystod Cwpan y Byd yn 2022.

    Mae Sioned yn sôn am pa mor ddiolchgar ydy hi ei bod hi'n gallu siarad Cymraeg a sut mae medru'r iaith wedi ei helpu yn ei gyrfa. Mae hi hefyd yn sôn sut wnaeth hi a tîm cynhyrchu Sgorio gyd-weithio hefo Cymdeithas pêl-droed Cymru i adeiladu hyder Aaron Ramsey i wneud cyfweliadau yn Gymraeg.

    Os wyt ti eisiau gyrfa yn y byd darlledu chwaraeon, dyma'r podlediad i chdi. Mwynha'r bennod!

    Voir plus Voir moins
    32 min
  • Huw Harvey a Malan Fôn

    Huw Harvey a Malan Fôn
    Jul 2 2025
    "Fedra i ddweud reit sicr, fyswn i ddim lle ydw i wan heb y Gymraeg."

    Croeso i bennod arall o Bangor Be Wedyn, lle mi ydw i Huw Gwynn yn sgwrsio hefo graddedigion Prifysgol Bangor am eu gyrfa nhw ers graddio a sut mae'r Gymraeg wedi eu helpu nhw ar hyd y ffordd.

    Cerddoriaeth ydi'r maes sy'n cael sylw yn y bennod yma. Mi wnes i siarad hefo Huw Harvey, aelod o fand Fleur de Lys sydd hefyd yn bennaeth cerdd yn Ysgol Brynrefail a Malan Fôn, cantores a chyfansoddwraig sydd hefyd yn gweithio fel arweinydd tîm creadigol yn Gisda ac Ucheldre.

    Mae'r ddau yn siarad am pa mor bwysig ydy cerddoriaeth iddyn nhw a sut mae'r Gymraeg wedi eu helpu yn eu gyrfaoedd. Mae nhw hefyd yn cynnig ambell dip i unrhyw un sydd yn hoff o ysgrifennu caneuon ei hunain. Mwynha'r bennod!
    Voir plus Voir moins
    40 min
  • Daniel Roberts a Non Williams

    Daniel Roberts a Non Williams
    Jun 18 2025
    Gwyddoniaeth ac ymchwil sy'n cael sylw yn y bennod yma, yn benodol peirianneg electronig a'r gwyddorau amgylcheddol.

    Yn y bennod yma, mi nes i siarad efo Dr Daniel Roberts, uwch-ddarlithydd mewn Peirianneg Electronig ym Mhrifysgol Bangor a Dr Non Williams, Swyddog Arbenigol Carbon i Gyswllt Ffermio.

    Roedd hi'n ddiddorol clywed sut mae'r ddau yn defnyddio'r Gymraeg mewn meysydd lle dydy'r Gymraeg efallai ddim mor amlwg.

    Be mae'r sgwrs yma'n profi ydi bod Gwyddoniaeth a'r Gymraeg yn gweithio law yn llaw â'i gilydd a hynny mewn ffyrdd cwbl naturiol.
    Voir plus Voir moins
    38 min
  • Tomos Owen a Sioned Young

    Tomos Owen a Sioned Young
    Jun 4 2025
    "Does 'na ddim con o astudio drwy'r Gymraeg."

    Croeso i bennod arall o Bangor Be Wedyn.

    Mi ydw i, Huw Gwynn yn siarad hefo dau entrepeneur sydd wedi sefydlu busnesau llwyddiannus eu hunain.

    Yn gyntaf, Sioned Young sylfaenydd Mwydro, busnes darlunio digidol a marchnata ac yn ail Tomos Owen, perchennog Swig smwddis.

    Wnes i fwynhau clywed amdan sut wnaeth y ddau ddechrau eu busnesau a sut brofiad oedd sefydlu busnes yn Arfon.

    Mae nhw'n siarad am bwysigrwydd y Gymraeg iddyn nhw ar lefel personol ond hefyd pwysigrwydd yr iaith i'w busnesau.

    Fyswn i'n dweud mai hwn ydy'r unig bodlediad lle mae un o'r gwesteion yn gwerthu smwddis ac yn recordio podlediad yr un pryd – multi-taskio ar ei orau.

    Mwynha'r bennod!
    Voir plus Voir moins
    33 min
  • Liam Evans a Rhiannon Williams

    Liam Evans a Rhiannon Williams
    May 21 2025
    "dwi'm yn 'nabod neb sy' 'di difaru astudio pwnc drwy'r Gymraeg"

    Croeso i bodlediad cyntaf Bangor Be Wedyn – lle dwi Huw Gwynn yn sgwrsio hefo graddedigion Prifysgol Bangor am eu gyrfa nhw ers graddio a sut mae'r Gymraeg wedi helpu nhw ar hyd y ffordd.

    Mi yda ni'n dechrau hefo 'bang' – ges i'r pleser o sgwrsio hefo Liam Evans, uwch-ohebydd BBC a Rhiannon Williams, swyddog hyrwyddo a marchnata S4C, y ddau yn ifanc yn eu gyrfaoedd ond wedi cyflawni llawer yn barod.

    Maen nhw'n siarad am bwysigrwydd y Gymraeg yn eu swyddi, sut mae'r Gymraeg wedi agor drysau iddyn nhw a pa mor bwysig ydy hi i wneud y mwyaf o'r cyfleoedd wyt ti'n eu cael.
    Voir plus Voir moins
    43 min