Résultats de "Dr K. N. Ganeshayya" dans Toutes les catégories

ಪರಮ ಶಿವಭಕ್ತ ಏಕಾಂತ ರಾಮಯ್ಯನ ಕಥೆಯ ಹಿನ್ನೆಲೆ ಬಲು ರೋಚಕ. ತಾನೇ ಕತ್ತರಿಸಿಕೊಂಡ ತನ್ನ ರುಂಡ, ಮತ್ತೆ ತನ್ನದೇ ದೇಹಕ್ಕೆ ಸೇರುವ ಹಿಂದೆ ಇರುವುದು ರಾಮಯ್ಯನ ಭಕ್ತಿಯೆ? ಯುಕ್ತಿಯೇ? ಪವಾಡವೇ? ತಂತ್ರವೇ? ಇದಾವುದೂ ಅಲ್ಲವಾದರೆ, ಯಾರ ತ್ಯಾಗದ ಫಲವದು?

ತನ್ನ ಸಾಧನೆಯ ಹಪಾಹಪಿಗೆ ಹೆಣೆದ ಷಡ್ಯಂತ್ರಕ್ಕೆ ತಾನೇ ಸಿಕ್ಕು, ಮುಕ್ಕಾದ ವಿದ್ಯಾರ್ಥಿಗೆ ಬೇಕಿದ್ದದ್ದು ತಾಳ್ಮೆ. ಆದರೆ ಮೇಲುಗೈ ಸಾಧಿಸಿದ ಪಾಪ ಪ್ರಜ್ಞೆ, ಅವಳ ಗುರುವನ್ನೂ ಬಿಡದೇ ಕಾಡಿದಾಗ ಹುಟ್ಟಿದ ಕತೆ.

ಎರಡು ಅಸ್ಥಿಪಂಜರಗಳಿಂದಾಗಿ ಬಿಚ್ಚಿಕೊಂಡ ರಾಜಾ ದೇವರಾಯನ ಕಾಲದ ದುರಂತ. ಸುರಸುಂದರಿ ನೇಹಲಳಿಗಾಗಿ ಕಾದಾಡಿದ ಅರಸರಲ್ಲಿ ಯಾರಿಗೂ ದಕ್ಕದ ಅವಳು, ಕೈಗೆ ಸಿಕ್ಕಷ್ಟು ಸಂಪತ್ತು ಕಟ್ಟಿಕೊಂಡು ಮಲಯಾಬಾದಿಗೆ ಬಂದು ಗೆದ್ದಳೇ? ಸೋತಳೆ?

ಜಗತ್ತಿನ ಈ ಮೂಲೆಯ ವಿಜ್ಞಾನಿ, ಆ ಮೂಲೆಯ ವಿದ್ಯಾರ್ಥಿ, ಒಂದೇ ಜನ್ಮದ ಎರಡು ಬಗೆಯ ಸಂಬಂಧಗಳಿಗೆ ಸಿಕ್ಕು, ಅವರ ಜೀವನವೂ ಸಿಕ್ಕುಸಿಕ್ಕಾಗಲು ಕಾರಣರ್ಯಾರು? ಸಮಾಜದ ಕಟ್ಟುಪಾಡುಗಳೇ? ಮಡಿವಂತಿಕೆಯ ಮನಸ್ಥಿತಿಯೇ? ಏನು ಆ ಎರಡು ಬಗೆಯ ಬಂಧ?

ನಾನು' ಎಂದರೆ ಯಾರು? ದೇಹವೇ? ಆತ್ಮವೇ? ಇಂಥ ಪ್ರಶ್ನೆಗೆ ಗುರಿಯಾಗುವ ಮಹಾಸಂಸ್ಥಾನದ ರಾಜಗುರು ನಿಜಕ್ಕೂ ಯಾರು? ಆಧ್ಯಾತ್ಮದ ಪರದೆ ಕಟ್ಟಿ ಆಡುತ್ತಿರುವ ನಾಟಕಕಾರರ ಸೂತ್ರಧಾರಿಯೆ ಅವನು? ಇಲ್ಲ ಅದೇ ನಾಟಕದಲ್ಲಿ ಪಾತ್ರಧಾರಿಯೆ?

ಕೃಷ್ಣದೇವರಾಯನ ಅರಸಿ ಜಗನ್ಮೋಹಿನಿಗೆ ಪ್ರಿಯವಾದ ರಾಗ ಈ 'ಪಂಜರ'. ಅವಳ ಪ್ರೇಮವೂ, ಕನ್ನಡ ರಮಾರಮಣನ ಬದುಕೂ ಈ ರಾಗ ಪಂಜರದಲ್ಲೇ ಬಂಧಿಯಾಯ್ತು. ವಿಜಯನಗರದ ಪತನಕ್ಕೆ ಬುನಾದಿ ಕಲ್ಲು ಇಟ್ಟಿತು.

ಅಲ್ಲೂರಿ ಸೀತಾರಾಮರಾಜು ಆಪ್ತ ಭಂಟ ಬೋನಂಗಿ ಪಾಂಡು ಪಡಾಲ, ಸಿಕ್ಕಬಹುದಾದ ಸ್ವಾತಂತ್ರ್ಯವನ್ನು ತ್ಯಾಗ ಮಾಡಿ, ಅಂಡಮಾನ್ ಜೈಲು ಸೇರಿದ ಕಥೆ. ಸುಟ್ಟ ಜೈಲಿನ ಜೊತೆ ತಾನೂ ಸುಟ್ಟು ಬೂದಿಯಾದ ಸೀತಾರಾಮನ ಗುಪ್ತಚರೆ, ಗುಡಿ ಮಲ್ಲಪ್ಪನ ಪತ್ನಿಯ ಧೀರ ಕಥೆ.

ಡಾ. ಕೆ. ಎನ್ ಗಣೇಶಯ್ಯ ಅವರ 'ನೇಹಲ' ಕಥಾ ಸಂಕಲನದಲ್ಲಿ ಒಟ್ಟು 8 ಕತೆಗಳಿದ್ದು, ಇತಿಹಾಸ, ಸ್ಕೈ-ಫೈ, ಮನೋವಿಜ್ಞಾನ, ಸಾಮಾಜಿಕ ಕಳಕಳಿ ಹೀಗೆ ವಿಭಿನ್ನ ವಿಭಾಗಕ್ಕೆ ಸೇರಿದವಾಗಿವೆ.

ಐತಿಹಾಸಿಕ ರೋಚಕ ಘಟನೆಗಳ ಸುತ್ತ ಹೆಣೆಯಲಾದ ಅದ್ಭುತ ಥ್ರಿಲ್ಲರ್ ಕಾದಂಬರಿ ಡಾ.ಕೆ.ಎನ್.ಗಣೇಶಯ್ಯನವರ "ಚಿತಾದಂತ - ಶಾಂತಿದೂತನ ದಂತಯಾನ